góður

Hjá lækninum

85 ára gamall maður fór til læknisins til að láta taka sáðprufu.

Læknirinn lét manninn hafa glas með sér heim og bað hann um að koma tilbaka daginnn eftir með prufuna.

Næsta dag kemur sá gamli til læknisins og lét lækninn hafa tómt glasið eins og hann fékk það deginum áður.Læknirinn spurði karlinn þá hverju sætti og bað hann um útskýringar.

"Já doksi ,þetta gerðist svona – fyrst reyndi ég með hægri hendinni og svo reyndi ég vinstri en ekkert gerðist.

Þá bað ég konuna að hjálpa mér.Hún reyndi fyrst með hægri og síðan vinstri hendinni eins og ég hafði gert en án árangurs.


Hún reyndi einnig með munninum,fyrst án tanna og svo með tönnunum en ekkert gerðist.


Við ákváðum þá að tala við nágrannann hana Jónu ,hún reyndi þetta líka fyrst með báðum höndum í einu og svo reyndi hún meira að segja líka að kreysta á milli hnjána en ekkert gerðist.


Lækninum var mjög brugðið "Spurðir þú virkilega nágrannann ?"


"Jebb" svaraði sá gamli. Og sama hvað við reyndum tókst okkur ekki að opna glasið!

:)

Einu sinni var gömul kona að ganga niður götu með tvo troðfulla ruslapoka.
Lögreglumaður stóð þarna rétt hjá og tók eftir því að það var gat á öðrum
pokanum og 5000 kr seðlar flugu úr pokanum endrum og eins.
eitthvað fannst honum þetta dularfullt og gekk upp að konunni
'góðan daginn væna mín' sagði hann 'hefur þú tekið eftir því að það eru
5000 kr seðlar fjúkandi úr pokanum þínum?'
konan stoppar og lítur bak við sig og sér seðlana á víð og dreif um götuna
'Æ þakka þér fyrir væni minn' stundi í konunni 'Ég ætti nú að drífa mig í
að taka þá upp'
En þegar hún ætlar að leggja af stað að týna upp seðlana stöðvar
lögregluþjónninn hana 'Engan asa væna mín, hvernig stendur eiginlega á því
að þú ert með fullann ruslapoka af fimm þúsund köllum? varstu að ræna
banka?'
Gamla konan brosti 'nei það gerði ég nú ekki en það vill svo til að bak við
garðinn minn er stór fótboltavöllur og alltaf þegar mikilvæg mót eru í
gangi að þá koma oft ungir menn og míga í blómabeðin hjá mér svo ég tók upp
á því að standa þarna með garðklippurnar og segja '5000 kr. eða ég klippi
hann af'
'jahá.. þetta er áhugaverð hugmynd' sagði lögregluþjóninn hugsi '..en hvað
ertu með í hinum pokanum?'

'Það eru ekki allir sem borga...'

úr tölvupósti dagsins :)

Nemandi úr Samvinnuskólanum á Bifröst sótti um vinnu sem afgreiðslumaður í Kaupfélagi úti á landi.

Þetta var svona alvöru kaupfélag þar sem hægt var að fá allt milli himins og jarðar. Kaupfélagsstjóranum leist vel á manninn þótt hann væri ungur og óreyndur og ákvað að taka hann til reynslu. Hann sagði manninum að mæta morguninn eftir og síðan myndi hann koma um kvöldið og athuga hvernig hefði gengið. Kvöldið eftir spurði hann unga manninn hvað hafði hann afgreitt marga viðskiptavini þennan fyrsta dag. 'Bara einn,' sagði drengurinn. Þetta fannst kaupfélagsstjóranum ekki mikið en spurði hvað hann hefði selt fyrir mikið.

'Fimm milljónir eitthundrað níutíu og þrjúþúsund' sagði afgreiðslumaðurinn við kaupfélagsstjórann.

'Hvað seldirðu honum eiginlega, spurði kaupfélagsstjórinn hissa?

'Jú, sjáðu til' sagði drengurinn, 'fyrst seldi ég honum lítinn öngul, síðan seldi ég honum miðlungsstóran öngul, þá stóran öngul, svo veiðistöng og síðan spurði ég hann hvar hann ætlaði að veiða. Hann sagðist ætla að veiða í vatninu og þá sagði ég honum að hann þyrfti bát og seldi honum plastbát með 40 hestafla utanborðsmótor. Þá sagði maðurinn að hann gæti aldrei flutt bátinn á Daihatsuinum sínum svo ég fór með hann í véladeildina og seldi honum nýjan Landróver. '

Nú var andlitið hálfdottið af kaupfélagsstjóranum og hann sagði: 'Maðurinn kemur hér inn til að kaupa einn lítinn öngul og þú selur honum bæði bát og bíl'!!

'Nei, nei,' sagði strákurinn.

'Hann kom hingað til að kaupa dömubindi handa konunni sinni og ég sagði við hann að fyrst að helgin væri hvort eð er ónýt hjá honum væri eins gott fyrir hann að fara að veiða!'

og það snjóar :(

Já kannski tími á eitt blogg eða svo.  Það er svo sem ekki frá miklu að segja. Dagurinn saman stóð af lærdómi, þvotti og handboltaglápi. Árið hefur farið í ættarmót, skóla, veislu, vinnu og lærdómi...ekki skrítið þó ég hafi ekki tíma í að blogga   Góðu fréttir ársins eru að ég náði öllum prófum   og slæmu fréttirnar eru þessi fjárans snjór   Hvað er málið með það? Það er langt síðan ég hef séð svona svakalega mikinn snjó hérna. Ég held að bærinn verði bráðum kominn í kaf, allavega ef það heldur áfram að snjóa eins og núna   Hvar slekkur maður á snjókomunni?

Jæja ég er bara farin að horfa á sjónvarpið...allt skárra en að blogga um snjóinn

2008

Gleðilegt ár. Áramótaheitið var að vera duglegri að blogga en áramóti eru til að brjóta þau og það er ég búin að gera   Vonandi hafa jól og áramót farið vel í alla. Skaupið já, eigum við að ræða það eitthvað (nei ég hef aldrei horft á Næturvaktina, bara frasar sem ég heyri aðra segja). Mér tókst nú bara að sofna yfir því, held að það sé ekki meðmæli með skaupinu...eða kannski bara sönnun þess að ég er svefnpurka  Hér er sko bara horft á desperate houswife. Mér tókst að klára seríu 2 í jólafríinu og fékk svo seríi 3 í jólagjöf. Er reyndar ekki búin með hana en það tekst á endanum. Annars er ég farin að taka niður jólin. Ég verð í skólanum eftir helgi og má þá ekkert vera að því.

En Gleðilegt ár aftur.

skötufnykur

Bærinn angar af skötulykt...eða svona næstum því. Allavega angar allt í skötulykt hjá gömlu. Skrapp aðeins til þeirra og eftir því sem ég nálgaðist íbúðina hjá þeim þá versnaði lyktin. Jú mikið rétt, þar var búið að elda skötu. Ooooojjjjjjj ég hef aldrei skilið hvernig fólk getur borðað þennan óþvera. Í denn þegar ég vann við verslunarstörf þá var tekið mjög pempíulega í skötupokan, pokinn skannaður og svo á færibandið og það sett á stað svo skötuógeðið færi sem lengst í burtu. Þrátt fyrir að liggja undir sápu og vatni í marga tíma þá var ég með skötufnykinn á höndunum öll jólin. Ofsalega er nú gott að vera laus við verslunarstörfin. Ég er mjög fegin því að þurfa ekki að vinna á aðfangadag og geta bara farið á jólaball og fundið jólaspenningin aukast dag frá degi í vinnunni. Reyndar einkenndist þessi mánuður af endalausum fríum hjá mér, sökum prófs og próflestrar en það er annað mál

Og í lokin þá óska ég öllum gleðilegra jóla og farsældar á nýju ári

 

góður :)

Þrír menn sátu saman og voru að monta sig af því hvernig þeir höfðu látið nýju konurnar sínar fá skyldur og verkefni heima fyrir.

Sá fyrsti hafði gifst konu frá Colorado og hann hafði sagt henni að hún ætti að þvo upp og þrífa húsið. Það tók nokkra daga en á þriðja degi kom hann heim í hreint hús og uppvaskið búið og frágengið.

Annar maðurinn hafði gifst konu frá Nebraska. Hann hafði skipað konu sinni að sjá um öll þrif, uppvask og eldamennsku. Fyrsta daginn hafði ekkert gerst, annan daginn hafði það aðeins skánað og þann þriðja var húsið hreint, uppvaskið búið og svaka steik og meðlæti í matinn.

Þriðji maðurinn hafði gifst konu frá Íslandi. Hann sagði henni að hennar verk væru að halda húsinu hreinu, sjá um uppvaskið, slá garðinn, þvo þvott og elda heita máltíð í hverjum matmálstíma. Hann sagði að fyrsta daginn hefði hann ekki séð neitt, annan daginn sá hann ekki neitt en á þriðja degi minnkaði bólgan aðeins svo hann sá aðeins með vinstra auganu, nóg svo hann gat útbúið sér eitthvað að borða og sett í uppþvottavélina!

jólafrí!!!!

Já þá er ég komin í jólafrí. Er reyndar að vinna ennþá en það er bara afslöppun miða við skólann og þá sérstaklega prófin. Síðustu dagar, já eða það sem af er desember, hafa einkennst af próflestri. Er bara búin að sitja í eldhúsinu að lesa. Ástæðan fyrir eldhúsinu er að þar er besta ljósið. Þannig að nú get ég farið að hugsa um eitthvað annað en bækur næstu 2 og hálfa vikuna eða svo.  Þannig að eftir vinnu næstu daga verða bara jólalög sett á og farið að undirbúa jólin. Og ekki má gleyma desprate houswife, er búin að bíða eftir því í margar vikur að horfa á þessa þætti. Reyndar er þetta sería 2, spurning hvort ég verði ekki að horfa á seríu 1 til að rifja þetta upp. Já og ekki má heldur gleyma jólaballinu í leikskólanum. Það er á fimmtudaginn og ég fæ að öllu óbreyttu að vera með þá´vííííí Ég tapaði nefnilega af þeim síðast sökum handleggsbrots. Já og ég get sko pakkað inn pökkunum með báðum höndum í ár...ekki leiðinlegt það  

jólaseríu vesen

Svaðalega er hált. Þakka mínu sæl fyrir að komast á báðu löppunum heim. Hef reyndar sjaldan farið eins hægt yfir og aldrei verið svona lengi á leiðinni. Jæja allt hafðist þetta þó.  En nóg um það, nú er kennslu lokið þessa önnina, ef hægt er að tala um kennslu. Allavega þá er verkefnum lokið og næstu dagar fara í próflestur, mikið verður nú gott þegar 18. des kemur. Á þriðjudaginn sl. kláraði ég vettvangsnámið fyrir þessa önn og er bara sátt enda fékk ég voða góða um sögn frá æfingakennaranum. Nú var ég orðin þolinmóð og alls, finnst það alltaf frekar fyndið en verð ég seint talin þolinmóð manneskja   Það tekur sig bara upp áður óþekkt þolinmæði þegar ég er komin innan um börn. En yfir í allt annað. Á þriðjudaginn ætlaði ég að henda upp jólaseríu enda komin snemma úr vettvanginum. Jæja ég næ í seríuna og sting í samband...hún virkar. Því næst tók ég límbandið sem helt henni saman, dreifði úr seríunni um allt og prófaði að stinga aftur í samband...vei, hún virkar. Því næst var sogskálum komið fyrir í alla glugga og eins ótrúlegt og það hljómar þá gekk bara nokkuð vel að koma þessu upp og engin pirringur við verkið. Þegar allt er komið á sinn stað sting ég enn og aftur í samband...og hún virkaði EKKI   Og er ekki farin að virka enn. Næsta á dagskrá er sennilega að kaupa aðra seríu, og ég sem nenni ekki að versla   Jæja ætli sé ekki best að kíkja í bók, næsta blogg verður ekki fyrr en eftir próf.

jörð skelfur

Úff, ég er búin að hristast síðan ég kom heim sökum endalausra jarðskjálfta. Reyndar hefur enginn komið í nokkrar mín. en ég er samt ekkert alltof bjartsýn að þessum ófögnuði sé lokið. Demm og ég sem ætlaði að læra en bara get ekki einbeitt mér núna, verð svo stressuð í jarðskjálftum. Jæja, ætti kannski að nota hléið á milli skjálft og líta í bók. Það má ekki keyra bíll framhjá án þess að ég stökkvi upp úr sófanum...spurning um að vera taugaveikluð   En nú ætla ég að draga djúpt inn andan og reyna að kíkja í bók.